Padayon ang pag-abot sa Pilipinas sa mga lider ug delegado gikan sa nagkalainlaing nasud isip pagpangandam sa pagpahigayon sa ASEAN Summit.

Samtang niini, nagpabiling alerto ang Philippine National Police (PNP), ubos sa pagpangulo ni PGen Jose Melencio C. Nartatez Jr., Chief, PNP, aron maseguro ang kaluwasan ug seguridad sa mga delegado, opisyal, ug uban pang motambong sa maong panagtigom.

Gipahugtan pa sa PNP ang pagbantay ug pagpatuman sa mga lakang pangseguridad sa mga importanteng lugar ug sa mga posibleng pagahimoonan sa mga kalihokan nga may kalabotan sa summit.

Tumong niini nga mga lakang nga mapadayon ang kalinaw ug kahapsay, ug maseguro ang hapsay ug luwas nga pagpahigayon sa mahinungdanong panagtigom sa mga lider sa mga nasud nga sakop sa ASEAN.

By Shaider

Leave a Reply

Your email address will not be published. Required fields are marked *