Kinatibuk-ang 1,390 ka mga Persons with Disabilities (PWDs) ug solo parent beneficiaries sa General Santos City ang nakadawat og food packs sa gipahigayon nga pagpanghatag sa Lokal nga Panggamhanan sa General Santos kaabag ang Department of Social Welfare and Development (DSWD).
Gikan sa maong kinatibuk-ang ihap, 660 ang mga PWD beneficiaries samtang 730 usab ang mga solo parent nga nakadawat og hinabang isip suporta sa ilang adlaw-adlaw nga panginahanglanon.
Nisalmot usab sa maong kalihokan sila si City Councilor ug Liga ng mga Barangay (LnB) President Alberto “Bobby” Pacquiao ug Kagawad Graziel Pacquiao.
Nagpasalamat si Mayor Lorelie Geronimo Pacquiao kang DSWD Secretary Rex Gatchalian ug sa tibuok ahensya sa padayon nga pakigtambayayong sa lokal nga panggamhanan aron mahatud ang tabang ngadto sa mga sektor nga nanginahanglan og suporta.
Padayon usab nga giduso sa lokal nga panggamhanan ang mga programa nga nagtumong sa paghatag og pag-amoma ug hinabang sa mga PWD, solo parents, ug uban pang pamilyang Heneral.
Mga hulagway gikan nilang Pat Rah Gadjali, Gerald Castro Recaforte