Samtang nagtigom ang mga lider sa nasod sulod sa Philippine International Convention Center alang sa ASEAN Summit, usa ka lahi nga sangka ang nahitabo sa kadalanan. Nagbarog nga tul-id ang han-ay sa mga pulis—nagbitbit og Civil Disturbance Management (CDM) equipmentatubangan sa kasuko sa mga nagprotesta.

Taliwala sa kahuot ug pagbungkag sa barikada, sila ang unang mosalo sa matag bunal, sipa, ug gilabay nga butang. Sa kainit sa panagbangi, adunay mga pulis nga nasamdan, nakarwasan, naipit sa kahuot, ug nagisi pa ang ilang uniporme.

Apan bisan sa kasakit ug kadaot, ginapos ang ilang mga kamot sa patakaran: gidili ang pagbalos, ug kinahanglang antuson ang tanan aron dili mograbe ang kagubot ug ipatuman ang maximum tolerance.

Dili bato ang mga pulis. Sila mga amahan, inahan, ug anak nga nagpulaw ug nababad sa kainit o ulan, layo sa ilang pamilya, aron mapanalipdan ang kahapsay sa nasod.

Sa pagtapos sa ASEAN Summit, magpabilin ang ilang mga samad ug nagising uniporme isip hilom nga pahinumdom sa sakripisyo sa likod sa pagserbisyo sa katawhan.

By Shaider

Leave a Reply

Your email address will not be published. Required fields are marked *