​Taliwala sa lawom nga kasubo sulod sa St. Peter Chapel sa Barangay Maranding, Lala, Lanao del Norte niadtong Nobyembre 15, 2026, personal nga mibisita si PBGen Nestor C. Babagay Jr., Regional Director sa Police Regional Office 10, sa haya sa usa ka maisog nga sakop sa Regional Intelligence Unit 10 (RIU10) nga mibuhis sa iyang kinabuhi alang sa serbisyo.

​
Nakalas ang maong pulis sa usa ka engkwentro sa Sapad, Lanao del Norte samtang nagtuman sa iyang katungdanan nga dakpon ang Top 1 Most Wanted Person sa rehiyon gikan sa Nunongan—usa ka bug-at nga sakripisyo alang sa kaluwasan sa katawhan.

Sa iyang pagduaw, gitunol ni PBGen Babagay Jr. ang pinansyal nga tabang ug paghupay sa nagbangutan nga pamilya, isip timaan nga ang PRO10 dili gayud mobiya sa mga mahal sa kinabuhi sa ilang mga bayani. Gipasalig usab niya ang usa ka lawom nga imbestigasyon subay sa pamaagi sa kapulisan aron mahatagan og hustisya ang pagpanaw sa maisog nga alagad sa balaod.

By Shaider

Leave a Reply

Your email address will not be published. Required fields are marked *