Gipahigayon sa City Government of Valencia pinaagi sa Anti-Illegal Drugs and Substance Abuse Division (AIDSAD), sa pakigtambayayong sa City Health Office (CHO) ug Vine Medical Clinic, ang mandatory drug testing alang sa mga kawani sa Barangay Concepcio, Valencia City, Bukidnon niadtong Nobyembre 17, 2026.
Kabahin kini sa selebrasyon sa Drug Abuse Prevention and Control (DAPC) Week nga may temang “Nagkakaisang Pamilya at Pamayanan Laban sa Ilegal na Droga Para sa Ligtas at Malusog na Kinabukasan.”
Gipangunahan ang kalihokan sa AIDSAD nga gidumala ni Giovanni Asis, uban sa suporta sa Sangguniang Barangay sa Concepcion ubos sa pagpangulo ni Punong Barangay Merlyn Antiga.
Gisuportahan usab kini nila City Mayor Amie Galario ug City Vice Mayor Greizl Galario-Fernandez isip kabahin sa ilang paningkamot sa pagpalig-on sa mga programa batok sa ilegal nga droga.
Nasayran nga pipila na usab ka mga barangay ang gapatuman sa susamang mandatory drug testing isip kabahin sa padayon nga pagsuporta sa Drug-Free Workplace Program ug pagpalambo sa luwas ug himsog nga trabahoan ug komunidad.
Alang sa dugang impormasyon ug mga update bahin sa mga programa ug kalihokan batok sa iligal nga droga, bisitaha ang Valencia City Anti-Drug Abuse Council. AAR
Via AIDSAD
Photos: Kurt Tedlos