Matagumpay na isinagawa ang Groundbreaking Ceremony sa Palalan Integrated School, Barangay Tablon, Cagayan de Oro City nitong Mayo 24, 2024.
Ang naturang kaganapan ay pinangunahan ni Edgar Cabanlas, Majority Floor Leader kasama si Roy Angelo Gazo, Deped School Division Superintendent, mga opisyal ng Barangay Tablon, City Hall Department Managers at mga miyembro ng Local School Board.
Ang naturang proyekto ay inisyatibo sa ilalim ng administrasyon ni Mayor Rolando “Klarex” Uy.
Nasa Php36 milyon ang pondong inilaan para sa proyekto mula sa Special Education Fund at ito ay binubuo ng 2 storey, 6 classroom na may built-in multi-media package na binubuo ng SMART TV, projector, sound system, desktop computer at wi-fi ready.
Layunin ng proyekto na magbigay ng kaginhawaan sa mga mag-aaral kabilang ang mga guro para sa dekalidad at mabisang edukasyon.
Panulat ni Sanchez