Nagdaos ng Information Caravan ang Department of Social Welfare and Development (DSW)D Field Office Caraga, upang mailapit ang mga programa at serbisyo sa mga mamamayan na ginanap sa Francisco C. Jongko Elementary School, Cabadbaran City, Agusan del Norte noong Hulyo 25,2024.
Ang Information Caravan na pinangungunahan ng Social Marketing Section (SMS), ay isa sa mga pangunahing adbokasiya ng Field Office na layuning ipalaganap ang tamang impormasyon at serbisyo ng DSWD sa mga komunidad, lalo na sa mga liblib na lugar.
Bukod dito, ginamit din ng SMS ang pagkakataong ito upang suportahan ang Brigada Eskwela 2024 ng Department of Education (DepEd) sa pamamagitan ng pakikibahagi sa mga aktibidad.
Umaasa ang ahensya na mas maraming Pilipino ang makikinabang at magiging aktibong kabahagi sa pag-unlad ng bansa.
