Agusan del Sur – Arestado ang isang lalaki matapos makumpiskahan ng ilegal na baril at droga ng mga awtoridad sa P-1B Banahaw, Brgy. Bayugan 3, Rosario, Agusan del Sur bandang 7:50 ng gabi nito lamang Agosto 25, 2024.
Kinilala ang naaresto na si alyas “Alvin”, 25 anyos, binata, walang trabaho at residente ng P- 4, Brgy. Wasian, Rosario, Agusan del Sur. Batay sa report, nakatanggap ng tawag sa telepono ang mga tauhan ng Rosario PNP mula sa isang concerned citizen na ang nasabing suspek ay nanggugulo sa nabanggit na lugar at agad namang nirespondehan ng pulisya.
Nakumpiska mula sa suspek ang isang unit ng shotgun na walang serial number na kargado ng anim na pirasong live ammunition; limang pcs. live ammunition ng .45 caliber pistol, tatlong piraso ng maliit na heat-sealed transparent plastic na naglalaman ng pinaniniwalaang shabu na may halagang SDP na Php6,800; isang piraso ng pinagsama foil; at tatlong pirasong disposable lighter.
Patuloy ang PNP sa pagsiguro ng kaligtasan ng bawat mamamayan tungo sa pagkamit ng isang maunlad at progresibong bansa.