Kalilangan, Bukidnon- Patay ang drayber ng motorsiklo habang sugatan naman ang backride nito matapos bumangga sa nakaparadang heavy equipment sa Sitio Ticub, Barangay Pamotolon, Kalilangan, Bukidnon nitong Martes, Hulyo 4, 2023.
Kinilala ang nasawing biktikma na si Jalel Andam, 22 anyos at residente ng Kili-kili, Wao, Lanao del Sur at ang back rider nito na si Warren Flores, 18 anyos at residente ng Wao, Lanao del Sur.
Ayon sa ulat ng Kalilalngan Municipal Police Station, ang drayber ng motorsiklo ay nasa ilalim ng impluwensya ng alak habang nagmamaneho nang bumangga sa unahang bahagi ng heavy equipment na nakaparada sa ginagawang kalsada.
Agad naman nirespondehan ng Municipal Rescue ng Kalilangan para sa agarang askyong medical ngunit idineklarang dead-on-arrival ang driver ng motorsiklo.
Patuloy naman pinag-iingat ng mga awtoridad at pinapaalalahan ang mamamayan na huwag magmaneho pagnakainom upang maiwasan ang anumang uri ng aksidente.