Davao City- Ne-bisita ug utro sa Police Regional Office 11 si Police General Rommel Francisco D Marbil, Chief, Philippine National Police human ang malampuson nga nadakpan si Pastor Apollo Quiboloy ug upat nga kauban niini nga nag-atubang sa patong-patong nga kaso sa Camp Quintin M Merecido, Buhangin, Davao City adtong Miyerkules, September 11, 2024.
Ang maong pagbisita ni Chief PNP Marbil mao ang pagsaulog sa kalampusan sa PNP nga nadakpan na si Pastor Quiboloy, human ang 16 ka adlaw nga pagsilbi sa mga kapulisan sa warrant of arrest sa KOJC Compound.
Dako na ang ngisi ni Police Brigadier General Nicolas D Torre III, Regional Director sa Police Regional Office 11, nga makita sa mga litrato. Kini atol sa pagtagbo sa kay Chief PNP.
Isip pasalamat sa tanan nga pulis nga na-deploy sa pagsilbi sa Warrant of Arrest, gitagaan kini ni CPNP Marbil ug lima ka adlaw nga bakasyon para maka-relax ug mahatagan ug oras ang pamilya.
Nagpahigayon pud ug mobo nga seremonya sa Bantayog ng mga Bayaning Pulis kung aha naghalad ug mga bulak si CPNP Marbil ug apil sa gilubong didto nga menteryo ang papa ni General Torre.
Ge sundan kini ug isa ka simple nga boodle fight uban ang mga libo-libo nga pulis. Makita nga ang kapulisan excited ug malipayon tungod sa maayong balita.
Nagpamatood nga ginahatagan ug importansya ni CPNP Marbil ang dedikasyon, suporta, morale ug welfare sa mga kapulisan para sa maayong pagserbisyo sa atong nasud.