“Ang kabataan ang pag-asa ng bayan,” sulti ni Dr. Jose Rizal. Sa mga bag-ong mga teknolohiya nga mao ang nagporma sa kahibalo sa publiko, ang mga bakak nga mikaylap ug nakuha sa batan-on daw usa ka makamatay nga sakit. Unsaon man sa mga batan-on nga mahimong paglaom sa katawhan kon sayo siyang ilubong tungod sa pangilad
Ang bisan kinsa nga makasinati ug kalisdanan masuko ug magdilaab ang pagka-makabayan. Kabatan-onan ang usa sa mga sektor nga mutubag sa mga nagkalain-lain nga isyu sa atung nasud. Apan adunay subo nga kamatuoran nga nagpahipi tali sa mga pulong nga “makamasa”: ang mga batan-on gamiton lang nga hinagiban aron isulong ang hakog nga tinguha sa gahom.
Ang pagpanlimbong nagsugod sa pagtugpa sa usa ka sakop sa panon; magpakaaron ingnun nga tigpasiugda sa katungod sa mga kabus ug kabatan-onan. Singgit ug panawagan sa paghunong sa kakuwang sa libro, taas nga presyo sa palaliton, o kakabos. Ang batan-ong Juan nga nakakita sa iyang inahan nga naghilak o ang iyang amahan nga masakiton tungod sa pagtrabaho matag gabii daw nga madani sa pag-apil sa rebolusyon. Wa siya kahibawo nga moapil siya bisan asa. Pila na ka dekada kining mga tawo o organisasyon nga nanglimbong sa mga batan-on? Pila pa ka kinabuhi ang ilang ilabay sa pagpasiugda sa kaugalingong interes?
Si Dodong o si Inday motungas sa bukid aron didto mag-alagad, arun kuno matagamtaman ang kagawasan ug kaharuhay. Dili matuis ang mga pagtulon-an ug ideolohiya ni Bonifacio o Rizal nga nakigbisog alang sa tinuod nga kagawasan. Ang mga emosyon sa mga batan-on mapul-an ug sila mag-anam kasuko sa ilang mga dughan batok sa ilang mga ginikanan. Mapugngan sila sa pagtan-aw sa amahan o inahan nga mao ang mga tawo nga gigamit nga rason sa pag-apil sa pobreng Juan. Ang punto: isakripisyo ang imung kinabuhi para sa kaugmaon sa katawhan. Apan uban sa matam is ug mahilayon nga mga tapik sa abaga ug gipataas nga mga kumo, adunay peligro nga nagtago. Pag-ulipon ug pagpasipala sa lawas sa kababayen-an aron matagbaw ang kagutom sa unod sa mga lider o malimbungon nga kadre.
Ang pagpatay sa mga batan-on tungod sa gubat sa katawhan nga ipresentar nga “Sakripisyo alang sa kaayohan sa katawhan”, matud pa sa kanhi representante sa Kabataan partylist. Maisip ba nga bayani o damgo lang ang nalimbongan nga mga inosenteng hunahuna tungod sa kagutom sa gahom? Ang mga kinabuhi nga gitagana alang sa mali nga pagtuo, pakigbisog, nawala ug kalimtan na lang. Murag basura nga walay bili ug gibiyaan nga gilubong sa kabukiran nga dili na makita.
Dili ikalimod nga daghan ang kinahanglan ayohon sa sistema sa nasud, politka man kini, edukasyon, ekonomiya, o seguridad, ang matag usa adunay kaugalingong mga hagit. Apan ang pagpakig-away ug pagsuporta sa mga buhat sa terorismo dili mao ang tubag. Isip usa ka batan-on, sabta kun unsay gikinahanglan. Ang yutang natawhan nanginahanglan ug usa ka lungsuranon nga adunay gugma alang kaniya nga mag-ayo sa tanan. Ang mga hunahuna nga tabunok sa ideya gikinahanglan. Ang nasud nanginahanglan ug mga tawo nga sama nimu nga adunay taas nga kalidad nga integridad aron manguna ug makahimo og kalainan. Ang kapintasan dili gayod mahimong solusyon sa kakabos. Pag-ugmad sa imung kaugalingon nga mga abilidad, pagsaka sa taas ug pagbayaw niadtong anaa sa ubos sa katilingban pinaagi sa mga balaod nga nakaangkla sa katilingbanong hustisya ug progresibong kalamboan. Hupti ang kadena nga nagbugkos sa imung talent ug salabutan. Wala ka nag inusura. Maghulat kami sa usa ka tawo nga sama kanimo nga tinuod nga nahigugma sa atung nasud nga Pilipinas.