Nasabat ang tinatayang Php370,000.00 halaga ng puslit na yosi sa isinagawang checkpoint operation ng mga otoridad sa Moore Ave., Brgy. Alat, Jolo, Sulu noong ika-28 ng Oktubre 2024.
Nabatid na nasabat ang puslit na yosi sa isang abandunadong sasakyan na Nissan Navara na may Plate # JCT 4725 at narekober ang 10 kahon ng Berlin Brand ng puslit na yosi na may estimated value na Php370,000.00.
Patuloy ang PNP sa pagtugis sa mga taong nasa likod ng pagpuslit ng yosi at nanawagan sa mamamayan na isumbong sa kanilang himpilan ang mga ilegal na aktibidad sa ating komunidad.