Pormal nang binuksan ang Senior Citizens Mini Fitness Park sa Health and Wellness Center na matatagpuan sa Osmeña Drive, Poblacion, Kidapawan City nito lamang ika-18 ng Nobyembre 2024.
Pinangunahan ni City Mayor Atty. Jose Paolo M. Evangelista, kasama ang mga City Councilors at ng mga Punong Barangay ang ribbon cutting ceremony.
May kabuuang anim na mga outdoor fitness equipment ang inilagay ng lokal na pamahalaan, kabilang dito ang triple waist twisting, double back massager, mild double station back massage, arm and pedal bike, double elliptical machine, chess and card table.
Kabilang ding nailagay ang tatlong mga benches upang maupuan ng mga senior citizens kapag sila ay napagod.
Ito din ang kauna unahang Senior Citizens fitness park sa buong Region 12.
Lubos ang saya ng mga dumalong Senior citizens sa paggamit ng mga panibagong fitness equipment na hindi lamang magagamit sa physical needs kundi pati na rin sa mental wellness.
