Bilang pagdiriwang ng 32nd National Children’s Month (NCM) 2024, nagsagawa ang Pamahalaang Panlalawigan ng Davao de Oro ng Provincial Bullit Fun Day nito lamang ika-19 ng Nobyembre, 2024 sa Mega Tent, Capitol Grounds, Nabunturan, Davao de Oro.
Pinagsama-sama ng aktibidad ang mga batang pre-school mula sa iba’t ibang bayan sa buong probinsya sa isang masayang pagpapakita ng kanilang talino at kagandahan.
Nagkaroon ng palaro at aktibidad ay nagpakita ng kanilang pagkamalikhain, kasanayan, at kakayahan, na nagdulot ng masiglang kapaligiran ng pagkatuto at kasiyahan.
Ang Provincial Bullit Fun Day ay nagsilbing patunay ng layunin ng Davao de Oro na lumikha ng isang komunidad na nagmamalasakit at nagbibigay proteksyon sa mga pinakabatang miyembro nito, na sumisiguro ng isang mas maliwanag at mas ligtas na hinaharap para sa lahat.
