Nalunod ang isang estudyante sa Simuay River, Darapanan, Sultan Kudarat, Maguindanao del Norte nito lamang ika-24 ng Nobyembre 2024. Kinilala ang nalunod na si “Tahfids”, 18 anyos residente ng Salimbao, Sultan Kudarat Maguindanao Del Norte at patuloy pa ring pinaghahanap ng mga awtoridad.
Ayon sa mga kasamahan nito, nagkayayaan umano ang mga studyante na maligo sa Simuay River sa bahagi ng Darapanan.
Sumisid lamang umano ang studyante at nagulat na lamang ang kanyang mga kasamahan at hindi na ito naka-ahon. Sa ngayon, patuloy ang retrieval and rescue operation ng mga BLGU, PNP, at mga kaanak nito upang subukan na mahanap ang nalunod na biktima.