Nakabsan sa kinabuhi ang usa ka pulis human gi-pusil sa wala mailhing mga suspek pasado 6:00 sa gabie sa mismong parking area sa City Mall, Barangay Rosary Heights 7, Cotabato City adtong December 1, 2024.
Ge-ila sa Cotabato City Police Office ang bikitma nga si Police Master Sergeant John Manuel Bongcawil, naay asawa, naka-aasign sa Maguindanao del Norte Provincial Intelligence Unit ug residente sa Parang, Maguindanao del Norte.
Matud pa nga pauli na ang biktima ug pamilya niini ug mo sakay na sa unta sa ilang Mitsubishi Mirage nga naay Plate Number LAB9820 dihang kalit lang kini gi-doolan sa mga lalaki nga naka facemasks ug gipa-ulanan ug bala ang maong pulis.
Gidala sa balay tambalanan ang maong pulis peru gideklarang dead-on-arrival kay naka-angkon kini ug pinusilan sa iyang dagway ug kalawasan samtang luwas ang pamila niini.
Narekober sa crime scene ang 12 basyo ug upat ka bala nga wala nibuto gikan sa calibre 45 pistol nga ginamit sa mga suspek. Nagtuo ang Cotabato City Police Office nga ang motibo sa pagpatay kay work-related.
Ang katawhan gisayangan sa pagkamatay sa maong pulis tungod isa kini ka respetado ug responsableng pulis nga andam mo alagad ug serbisyo publiko.
Ge-awhag sa Cotabato City PNP ang lungsuranon sa ilang kooperasyon ug suporta arun masulbad ang brutal nga pagpatay sa maong pulis ug mahatag ang hustisya sa iyang pamilya.