Sumuko ang 15 miyembro ng Bangsamoro Islamic Freedom Fighters (BIFF) sa isang seremonya na ginanap sa Ladtingan Multi-Purpose Hall, Barangay Pigcalagan, Sultan Kudarat, Maguindanao del Norte noong ika-16 ng Disyembre 2024.
Kinilala ang mga sumukong miyembro na sina alyas “Samuel,” “Toy,” “Tony,” “Franco,” “Jay,” “Bong,” “Loy,” “Boy,” “June,” “Tomas,” “Tacio,” “Mike,” “Jeff,” “Manny,” at “Patrick.”
Nabatid na isinuko din ang armas na apat na home-made 40mm RPG, dalawang home-made cal. 50, isang M1 Carbine cal. 30, isang Carbine cal. 30 Garand, dalawang home-made 7.62 mm sniper rifle, isang GK9 9mm, 11 na improvised explosive devices (IEDs).
Agad nakatanggap ng cash assistance at bigas mula sa pamahalaan bilang agarang tulong sa mga sumuko.
Patuloy naman ang paghikayat ng pamahalaan sa mga natitira pang miyembro ng BIFF na sumuko at wakasan ang insurhensya, terorismo at kriminalidad na hadlang sa pagkamit ng kaayusan at kaunlaran ng ating bayan.
