Narekober ang walong high powered firearms at mga pampasabog sa magkahiwalay na operasyon ng militar sa Bukidnon at Agusan del Sur nito lamang Setyembre 22-24, 2023.
Ayon sa ulat, nagkaroon ng sagupaan sa pagitan ng militar laban sa limang miyembro ng NPA sa Brgy. Guibonon, Esperanza, Agusan del Sur noong Setyembre 24, 2023. Nagresulta ang bakbakan sa pagkakapatay kay Madagi Tumanan, residente ng Brgy. Eureka, Gingoog City, Misamis Oriental at pagkaka-rekober ng isang M16 Rifle.
Samantala, isa pang bakbakan ang naganap laban sa pitong miyembro ng NPA sa Sitio Kamaca, Brgy. Bontongon, Impasug-ong, Bukidnon nito lamang Setyebre 22, 2022 na nagresulta sa pagkakadiskubre ng dalawang baril.
Sa isinagawang search and clearing operation, nadiskubre ang apat na mga baril malapit sa pinangyarihan ng engkwentro.
Narekober ang isang M1 Garand Rifle, isang Caliber 45 pistol, magazines, mga bala, Anti-Personnel Mine (APM) with Fuse and Detonating Cord, mga kagamitang pandigma, isang M16 Rifle, isang M203 Grenade Launcher, isang Cal .30 M1 Garand Rifle at isang Cal .22 Semi-Automatic Pistol.
Patuloy ang panawagan ng pamahalaan sa natitira pang miyembro ng NPA na magbali-loob at magsimula muli kasama ang kanilang sariling pamilya malayo sa anumang banta ng karahasan at terorismo tungo sa pagkamit ng isang payapa at maunlad na bansa.