Ipinagdiriwang ang Women with Disability Day sa pamamagitan ng pagsasagawa ng Capacity Development Training nito lamang Marso 31, 2025 sa City Tourism Hall, Cagayan de Oro City.
Tinalakay sa pagsasanay ang ‘Substance and Drug Abuse’ ng Philippine Drug Enforcement Agency (PDEA); ‘Safe Spaces Act’ ni Atty. Venamay Celeste ng CSWD at ‘Self Love’ na ibinahagi ni Persons with Disabilities Affairs Office (PDAO) Head Maria Liza Corpuz.
Nagpahayag din ng kanilang suporta ang City Gender and Development Focal Point System at City Social Welfare and Development (CSWD) Department Head Annie Tongson, at mga kinatawan mula sa Soroptomist International ng Americas Philippine Region.
Ang kaganapan ay ang kulminasyon ng pagdiriwang ng Pambansang Buwan ng Kababaihan at ginawang posible ng City Gender and Development Focal Point System, City Social Welfare and Development Department- Persons with Disabilities Section, at ng Persons with Disabilities Affairs Office (PDAO).
