Malaybalay City, Bukidnon- Matagumpay na naisakatuparan ang community outreach program na idinaos sa Luyungan Indigenous People’s (IPs) High School, Bangcud, Malaybalay City, Bukidnon nito lamang ika-21 ng Nobyembre 2023.
Ang naturang community outreach program ay bahagi ng “Adopt a School Program” ng Bukidnon Police Provincial Office.
Nanguna sa aktibidad ang Provincial Director ng Bukidnon Police Provincial Office na si Police Colonel Jovit Lontac Culaway kaagapay ang mga personahe ng City/Municipal Police Station, at Bukidnon Provincial Mobile Force Company.
Handog sa nasabing programa ang assorted goods, toiletries at sako-sako ng mga bigas.
Nag-alay naman ng special dance number ang mga kabataan bilang pagpapakita ng kakaibang talento at pagpapahayag ng tradisyon ng mga kababayan nating mga IPs.
Labis naman ang pasasalamat ng mga benepisyaryo ng programa at nag-iwan sa kanila ng kasiyahan at pag-asa na magpursige upang tapusin ang pag-aaral at makamit ang bawat ambisyon ng kada-isa.