Nadakpan ang duha kasamdan nga miyembro sa New People’s Army (NPA) human sa wala’y pu-as nga operasyon sa mga kasundaluhan sa Sitio Muagan, Barangay Datu Ito Andong, Kalamansig, Sultan Kudarat adtong Sabado sa buntag, Hunyo 21, 2025.
Nahibal-an nga ang duha ka nasamdan gi-ila sa alyas nga “Digbay”, 16 anyos, nga naigo sa tuo nga batiis ug si alyas “Mario”, 17 anyos, nga naigo sa likod nga misangpot sa kadaut sa iyang spinal cord.
Ang samad sa duha ka menor-de-edad nakuha atol sa engkwentro niadtong Hunyo 19, diin 3 ka kauban nila ug usa ka sundalo ang namatay.
Narekober sa maong operasyon ang usa ka M16 rifle ug tulo ka magasin.
Diretso gidala ang mga nasamdan ngadto sa Kalamansig Rural Health Unit, uban sa tabang sa kapulisan, kasundaluhan ug mga residente, ug pagkahuman gibalhin sa Camp Siongco Station Hospital.
Padayon ang pag-awhag sa gobyerno sa mga miyembro ug tagasuporta sa NPA nga biya-an ang maong grupo kay kini wala’y mahatag nga maayo ug makalas lang ang kinabuhing hinulman tungod sa sayup nga ideolohiya ug masayang lang ang hayag nga kaugmaon sa mga kabatan-onan nga mao ang paglaum sa nasud sa Pilipinas.