Patay ang duha ka indibidwal ug duha ka pulis ang samdan nga miyembro sa 1203rd Maneuver Company sa Regional Mobile Force Battalion (RMFB) 12, sa gipahigayon nga search warrant operation sa mga awtoridad sa balay sa usa ka negosyante sa Purok Gumasak, Barangay Bulacanon, Makilala, Cotabato kaganinang 12:40 sa kaadlawon, Huwebes, Agosto 14, 2025.
Gi-ila ang maong target sa operasyon nga si Ramon Floresta, nga may kalabutan sa kasong Republic Act 10591 o Comprehensive Firearms and Ammunition Act.
Nahibal-an nga samtang nagpahigayon ang maong operasyon, kalit lang nagpabuto sa ilang pusil ang duha ka security personnel nga mao ang rason nga nibawos ang kapulisan.
Giila ang mga namatay nga sila Jovito Regidor Roa ug Paul Lacorte Pedroso.
Samtang anaa sa balay tambalanan ang duha ka pulis nga naka-angkon ug samad pinusilan.
Narekober sa kapulisan ang Glock 23 pistol cal. 40, CZ 858 Tactical long firearm, Colt M16 cal. 5.56mm, Federal CN CQ A5.56mm rifle, Norinco NP48 cal. 40, duha ka fragmentation hand grenade, ug mga bala sa lahi-lahi nga kalibre sa pusil.
Solido ang PNP sa pagmentinar sa kaayuhan ug kahapsay sa katilingban para makab-ot ang gihandum nga kalamboan.
