Patay ang tulo ka lalaki ug isa ka babae nga mga miyembro sa New People’s Army human ang engkwentro nga nahitabo tali sa kasundaluhan sa bukiring bahin sa Malaybalay City ug Barangay Dumalaguing, Impasug-ong, Bukidnon sulod sa gitawag nga Saldab Complex adtong Agosto 13, 2025.
Nahibal-an nga ang mga namatay kay aktibong miyembro sa North Central Mindanao Regional Committee (NCMRC) sa CPP-NPA.
Gi-ingun nga tungod sa sumbong sa mga residente sa mga presensya sa NPA sa maong lugar busa kini daling gi-aksyunan sa kasundaluhan.
Narekober sa maong operasyon ang usa ka high-powered firearm ug uban pang mga gamit sama sa mga cellphones, radyo, tambal ug uban pa.
Padayon ang panawagan sa gobyerno sa uban pang miyembro ug tagasuporta sa NPA nga Dili pa ulahi ang tanan nga magbag-o ug mobalik sa sabakan sa gobyerno ug biyaan ang teroristang grupo nga wala’y maayong gidala sa katawhan kung dili kagubot ug pangpanghulga tungod sa sayup nga pakigbisog nga supak sa kalinaw ug kalamboan sa atung nasud.
