Ni-busikad ang usa ka granada sa gawas sa panimalay sa usa ka Brgy. Kagawad sa Tamse Road, Brgy. Poblacion 4, Cotabato City mga 12:00 sa kaadlawon adtong Agosto 30, 2025.
Sumala sa imbestigasyon sa Cotabato City PNP, usa ka lalaki nga sakay sa motorsiklo ang naglabay sa maong granada sa gawas sa balay ni Brgy. Kagawad Al – Jaynofin Akmad Sumndad.
Nahibal-an nga wala’y nasamdan o namatay sa maong pagbusikad sa granada apan nadaot ang usa ka puti nga Toyota Hilux ug Hyundai Accent tungod sa kakusog sa pagboto.
Samtang nagpadayon ang lalom nga imbestigasyon sa Cotabato City PNP arun masuta ang motibo sa krimen ug madakpan ang suspek nga naghatag ug kagubot ug kahadlok sa mga ordinaryong tao sa maong lungsod.
