Gipasigarbo sa mga talentadong Tagumenyo ang ilang talagsaong kahanas sa “DavNor Skills Challenge: Dire Bida ang May Kahanas,” nga gipahigayon kaniadting Hulyo 3, 2026 isip kabahin sa pagsaulog sa ika-59 nga anibersaryo sa probinsiya sa Davao del Norte.
Lakip sa mga nagdala og dungog sa Tagum mao si Jenny J. Mique, nga nakab-ot ang ikaduhang pwesto sa Mobile Photography.
Sa Flairtending and Mixology, naangkon nila Harold Bayon ug Paul Justine Barroza ang ikaduhang pwesto, samtang si Alexa Claire G. Bernabe ug Andre Buquela nakakuha sa Ikatulong pwesto. Kining tanan nahimong posible pinaagi sa giya ni coach Christan EG G. Deypalubos.
Samtang, si Andrea Eve M. De Borja usab mipakita sa iyang abilidad sa digital arts pinaagi sa pag-angkon sa Ikatulong pwesto sa Digital Poster Making.
Ang maong mga kadaugan nagpamatuod sa talento, ug dedikasyon sa mga Tagumenyo, nga nagpadayon sa pagdala og dungog sa siyudad pinaagi sa ilang kahanas ug pagkamamugnaon sa lainlaing natad sa kompetisyon.