Isang rider ang namatay matapos sumalpok sa isang ten-wheeler truck sa National Road, P-1 Colonia, Valencia City Bukidnon nito lamang Lunes, Hunyo 12, 2023.
Nakilala ang nasawi na si Dindo Dayupay, 40 anyos at residente ng Lantapan, Bukidnon.
Ayon sa ulat, naka park ang truck sa outer lane nang aksidenteng mabangga dahil sa mabilis na takbo ng motorsiklong minamaneho ng biktima na dahilan upang pumailalim ito sa naturang truck.
Pinag-iingat naman ng mga awtoridad ang mga nagmamaneho ng sasakyan at motorsiklo at sumunod sa batas trapiko upang maiwasan ang anumang aksidente.