Narekober ang klasi-klasi nga unom ka high-powered firearms ug mga bala sa gipahigayon nga operasyon sa mga kasundaluhan ug kapulisan sa Barangay Masigay, Datu Piang, Maguindanao del Sur niadtong Sabado, Abril 4, 2026.
Lakip sa mga narekober ang unom ka high-powered firearms sama sa usa ka M60 machine gun, usa ka M4A1 rifle, usa ka M16 rifle, usa ka M14 rifle, duha ka M653 rifles, mga magazines ug mga bala.
Ang maong kalampusan usa ka dakong lakang sa pagmintinar sa kalinaw ug seguridad sa Datu Piang sa tabang sa kasundaluhan ug kapulisan sa ilalom sa pagdumala ni Police Colonel Michael John Mangahis, Provincial Director sa Maguindanao del Sur Police Provincial Office inubanan sa katawhan.