Mibisita sa LGU-Tagum ang mga opisyal gikan sa Department of Finance (DOF) ug Bureau of Local Government Finance (BLGF) aron suportahan ang implementasyon sa electronic Official Receipt (e-OR) niadtong Miyerkules, Abril 8, 2026.
Ang maong inisyatiba nakaangkla sa E-Commerce Act of 2000, Commission on Audit Circular 2013-007, Bangko Sentral ng Pilipinas Department Order 1135, ug BLGF Department Order 54, nga nag-awhag sa mga Local Government Unit (LGU) sa pag-isyu og electronic Official Receipt.Pinaagi sa e-OR system, gilauman nga mahimong end-to-end na ang mga transaksiyon, diin dili na kinahanglan nga muadto pa ang mga kliyente sa City Hall aron lamang mokuha sa official receipt.
Kini magdala og mas paspas, episyente, ug transparent nga serbisyo alang sa katawhan.Gilauman nga pinaagi niini, mahimong usa ang syudad sa Tagum sa mga unang LGU nga makapatuman sa hingpit nga electronic nga pag-isyu og official receipt.