Nakarekord ang Malaybalay City og 33 ka forest fire incidents gikan Pebrero hangtod Abril 15, 2026, nga nakaapekto sa kapin 133.1 ka ektarya sa kalasangan, sumala sa City Environment and Natural Resources Office (CENRO).
Pinakadako ang kadaot sa Barangay Can-ayan nga adunay 10 ka insidente ug 53.1 ka ektarya ang nasunog. Gisundan kini sa Casisang nga adunay pito ka insidente ug 22.5 ka ektarya ang naapektuhan.
Sumala kang CENRO chief Dr. Jessie Suson, kadaghanan sa sunog resulta sa intentional nga pagsunog alang sa pag-andam sa yuta sa pagpanguma nga nakahimo og forest fire.
Padayon nga nagbantay ang lokal nga gobyerno pinaagi sa pagdeploy og foot patrols, forest firefighters, ug pagpalig-on sa Forest Fire Management Team aron malikayan ang dugang pang sunog.
Gipasidaan usab sa PAGASA nga posibleng mosulod ang El Niño sa Hunyo hangtod Agosto 2026, nga mahimong hinungdan sa mas uga nga panahon ug mas taas nga risgo sa sunog.
Giawhag ang publiko nga magmatngon ug likayan ang open burning aron maprotektahan ang kalasangan.
Source: Bukidnon News