Nakatanggap ng Gawad Paglilingkod sa Sambayanan (GAPAS) Award ang Tagum City Social Welfare and Development Office (CSWDO) nito lamang ika-19 ng Abril 2024 sa The Ritz Hotel and Garden Oasis sa Davao City.
Ang parangal na ito ay iginawad sa mahusay na serbisyong naihandog ng lokal na pamahalaan ng Tagum pagdating sa pagbibigay ng serbisyong panlipunan sa buong taon ng 2023.
Kaugnay nito, sa pangunguna ni Tagum City Mayor Honorable Rey T. Uy nagkaroon ng programa noong 22 ng Abril 2024 ang lungsod upang bigyang bati ang CSWDO sa tagumpay na nakamit nito.
Maligayang kaganapan na maituturing ito sapagkat dulot nito ay dagdag lakas para sa mga empleyado ng lungsod at sa mga residente na patunay sa kahusayang handog ng CSWDO.