Malampusong gipahigayon ang unang gabii sa Pulangui River Gakit Festival 2026 niadtong Hulyo 8, 2026, diin gipasiugda ang Festival Queen Competition sa Valencia City, Bukidnon.
Gikoronahan nga kampeyon si Laidy Loraine Arsua, uban sa iyang designer nga si Jun Leonard Rodrigo.
Ang ikaduhang puwesto nasungkit ni Imae D. Lade, uban sa iyang designer nga si Anthony P. Sedoro, samtang ang ikatulong puwesto nakuha ni Chares Lunganay, uban sa iyang designer nga si Norman Sagadrata Recibido.
Lakip usab sa mga kalihokan sa maong gabii ang pagbukas sa Food Bazaar, ang Musical Fireworks Display, ug ang pasundayag sa Sphinx Band, nga nakadugang sa kasadya sa kasaulogan.
