Dakpan ang duha ka indibidwal ug nasakmit ang gibanabana nga ₱1.2 milyon nga kantidad sa puslit nga yosi atol sa anti-smuggling operation ug checkpoint operation nga gihimo sa mga otoridad sa Purok 5, Sitio Mapalad, National Highway, Barangay Dalipuga, Iligan City, Lanao del Norte niadtong Hulyo 16, 2026.
Gi-ila ang mga suspek nga sila si alyas “Rolly,” 37 anyos, minyo, residente sa Poblacion A, Midsalip, Zamboanga del Sur, ug si alyas “Larry,” 33 anyos, minyo, residente sa Pindulolunan, Baroy, Lanao del Norte nga nagsagubang sa kasong paglapas sa Republic Act No. 10863 o ang Customs Modernization and Tariff Act.
Sumala sa kapulisan, ilang gipahunong ang usa ka puti nga refrigerated van truck, diin ilang nadiskubre ang 1,500 ka reams sa gidudahang puslit nga yosi nga “PRAGON” ang tatak, nga adunay gibanabanang kantidad nga ₱1,200,000.00.
Gilayon nga gidakop ang mga suspetsado human sila mapakyas sa pagpakita sa mga legal nga dokumento sama sa importation documents, clearance gikan sa Bureau of Customs, mga tax stamp, ug pamatuod sa pagbayad sa angay nga customs duties ug internal revenue taxes.
“Through strengthened intelligence coordination and sustained checkpoint operations, PRO10 remains resolute in protecting legitimate trade and ensuring that individuals engaged in smuggling activities are held accountable under the law. We will continue to work closely with the Bureau of Customs and our partner agencies to curb the movement of illicit goods across Northern Mindanao,” mensahe ni Police Brigadier General Christopher N Abrahano, Amahan sa Police Regional Office 10.