Patay ang isang negosyante nang pagbabarilin sa bahagi ng Omairah Market, Barangay Datu Saber, Marawi City pasado alas-diyes ng umaga ng ika-11 ng Mayo 2024.
Batay sa report, kinilala ang biktima na si Walid Camar Esmail, 32 years old na residente ng Marawi City.
Lumalabas sa imbestigasyon na habang sakay ng Toyota Hilux ang biktima na may Plate Number NEF 8838 nang bigla itong dinikitan ng riding in tandem suspect na nakasuot ng kulay itim na jacket at biglang pinagbabaril ang biktima.
Natagpuan sa pinangyarihan ng krimen ang basyo ng 45 caliber pistol na ginamit sa pamamaril.
Naisugod pa sa ospital ang biktima ngunit binawian din ng buhay.
Nagsasagawa na ngayon ng follow-up investigation upang matukoy ang motibo at suspek sa pamamaril.