Sa pagtuman sa iyang katungdanan, wala damha ni Police Senior Master Sergeant Shelvib Cuajao Cabug nga naka-assign sa Jimenez Municipal Police Station nga mao na ang katapusang checkpoint sa National Highway Intersection, Purok 5, Barangay Butuay, Jimenez, Misamis Occidental ug pagbantay alang sa kaluwasan sa katawhan ug katapusang dapit sa iyang pagserbisyo.
Sa usa ka makalilisang nga hitabo, gitumbol kini sa usa ka retirado nga sundalo nga gito-ohan nga anaa sa lango sa ilimnong makahubog samtang nagbuhat sa iyang katungdanan—usa ka sakripisyo nga dili na mabawi, apan dili gayod makalimtan.
Alang sa iyang pamilya, mga kauban sa serbisyo, ug sa mga tawo nga iyang gipanalipdan, dakong kasakit ug kapildihan ang iyang pagkawala. Apan magpabilin ang iyang panumduman isip usa ka matinud-anong alagad sa katawhan nga walay pagduha-duha nga mitindog aron mapanalipdan ang uban.
Saludo kami sa imong kaisog, dedikasyon, ug sakripisyo.
Si PSMS Cabug, nagserbisyo hangtod sa katapusan.
Ang imong serbisyo ug sakripisyo dili gayod malimtan.
Photo by: PCADG Northern Mindanao