Patay ang duha ka indibidwal samtang isa samdan human giratrat sa Barangay Pembalkan, Mamasapano, Maguindanao del Sur niadtong Setyembre 24, 2026.
Gi-ila ang duha nga namatay nga sila si Alparis Dalinding ug Fahad Sula, nga parehong mga negosyante ug residente sa Sultan Kudarat, Maguindanao del Norte samtang gi-ila ang nasamdan nga si Asmawi Guialil Bantas, usa usab ka negosyante ug residente sa maong lugar.
Nahibal-an nga sakay ang mga indibidwal sa usa ka “payong-payong” ug dihang kalit lang kini gipusil sa wala pa mailhang mga suspek.
Padayon ang lalom nga imbestigasyon sa PNP arun mahibal-an ang motibo sa maong krimen ug gi-awhag ang katawhan sa kaooperasyon arun mailhan ang mga suspek.