Naka-full alert status ang Datu Piang Municipal Police Station ug gipahugot ang pagmintinar sa seguridad sa publiko labi na sa mga mga estudyante sa Gani L. Abpi College Inc. sa Barangay Buayan, Datu Piang, Maguindanao del Sur niadtong Huwebes, Setyembre 24, 2026.
Matud pa sa Datu Piang MPS, gipatuman ang hugot nga pagbantay sa maong eskwelahan aron masiguro ang kaluwasan sa matag estudyante. Nagpadayon usab ang ilang imbestigasyon bahin sa maong hulga ug nakipagtambayayong sa mga magtutudlo sa maong eskwelahan aron moadto sa Cybercrime Unit sa PNP, aron dali nga matino ang pagkatawo sa tawo nga anaa sa luyo sa maong hulga.
Padayon ang mga preventive security measures nga gihimo na sa Datu Piang LGU uban sa PNP ug uban pang security forces aron masiguro ang kaandam sa mga estudyante sa bisan unsang insidente o katalagman.