​Nagpaabot og pagdayeg ug komendasyon si Atty. Ralph Calinisan, NAPOLCOM Commissioner, sa mga operatiba sa Taguig City Police Station tungod sa ilang paspas nga pagtubag ug kaisog human makigpinusilay sa mga armadong riding-in-tandem nga tulisan sa Barangay Ususan, Taguig City niadtong Nobyembre 12, 2026.

​Sumala sa opisyal, ang dinalian nga aksyon ug dedikasyon sa katungdanan sa mga mirespondeng pulis maoy pamatuod sa lig-on nga baruganan sa kapulisan aron mapadayon ang kalinaw ug kaluwasan sa mga residente sa siyudad.

Gipasiugda ni Atty. Calinisan nga wala magduha-duha ang mga tinugyanan sa balaod sa pagtaya sa ilang kaugalingong kinabuhi aron mapugngan ang krimen ug masiguro nga dili na makapangbiktima pa ang mga suspek sa komunidad.

Tungod niini, girekomendar ang pormal nga pag-ila ug komendasyon alang sa mga nalambigit nga pulis isip pagpasidungog sa ilang kabayanihan.Samtang, nagpahinumdom usab ang pamunoan sa publiko nga magpabiling mabinantayon sa ilang palibot ug ipahibalo dayon sa pinakaduol nga buhatan sa kapulisan ang bisan unsang kadudahang lihok aron maaksyonan dayon sa mga awtoridad.

By Shaider

Leave a Reply

Your email address will not be published. Required fields are marked *