Isinagawa ang Mental Health Awarerness Forum na pinangunahan ng Lokal na Pamahalaan ng Cotabato at dinaluhan ng mga kabataang Cotabateño sa Barangay Tagbac Gymnasium, Magpet, Cotabato nito lamang ika-10 ng Hulyo 2024.
Ito ay pinangasiwaan ng Integrated Provincial Health Office (IPHO) katuwang ang Rural Health Unit (RHU) ng Magpet, at Barangay Health Workers ng naturang barangay.
Ang nabanggit na forum ay dinaluhan ng aabot sa 100 kabataan na nasa edad 10-19 taong gulang.
Ang aktibidad ay makakatulong sa mga kabataan na maunawaan at hindi maramdaman ang pag-iisa sa kanilang mga karanasan sa pamamagitan ng suporta ng pamilya at komunidad.
Layunin din nitong itaas ang kamalayan ng mga kabataang Cotabateño hinggil sa kahalagahan ng self-care at mental well-being upang maunawaan ang kanilang pagbabago bilang adolescents na nakakaapekto sa emosyon at pag-iisip.
