Narekober ang lain-lain nga klase sa armas ug mga bala human ang gipahigayon nga Search and Seizure Operation sa mga otoridad takna 11:12 sa buntag, Pebrero 26, 2025 sa may Purok 10, Brgy Casisang, Malaybalay City Bukidnon.
Gi-ila ang suspek nga si alyas “Jeboy”, 23 anyos, miyembro sa True Brown Style (TBS) Gang ug Cholo Rapper Artist, ulitawo, walay trabaho ug residente sa nasangpit nga lugar.
Sa operasyon sa Malaybalay City Police Station, narekober ang usa ka unit sa .45 pistol; usa ka steel magazine sa .45 pistol; 10 ka cartridges sa caliber .45; usa ka holster sa caliber .45; usa ka unit nga Airgun rifle (debomb) nga adunay scope; usa ka unit sa Airsoft HK 416 D rifle nga adunay scope ug magazine; usa ka unit sa Airsoft Pistol; usa ka unit sa Airsoft Magazine ug uban pa.
Padayon ang lalom nga imbestigasyon sa Malaybalay City PNP ug gi-awhag ang katawhan nga i-surrender sa ilang opisina ang mga loose firearms nga wala’y mga papeles around malikayan nga mag-atubang ug kaso.
