Isinagawa ang “Pabasa ni Mamang Pulis” noong Hunyo 14, 2025 sa Sitio Nasilaban, Barangay Palma Gil, Talaingod, Davao del Norte.
Nagtungo ang mga miyembro ng Revitalized Pulis sa Barangay (R-PSB) sa pangunguna ni PEMS Francisco R Nazi Jr. upang magsagawa ng tutorial at aralin sa pagbasa para sa mga batang katutubo.
Layunin ng programang ito na palakasin ang kasanayan sa pagbasa ng mga bata habang hinihikayat silang yakapin ang kahalagahan ng edukasyon.
Isa itong konkretong paraan ng pagtulong upang maiangat ang kalidad ng pagkatuto sa mga liblib na lugar at mapalalim ang ugnayan sa pagitan ng mga tagapaglingkod at ng komunidad.
Ang mga ganitong aktibidad ay patunay na sa pagtutulungan ng komunidad at mga ahensya ng pamahalaan, posible ang mas malawak na pag-abot sa mga nangangailangan ng suporta sa edukasyon.
Isa rin itong paalala na ang bawat batang natuturuan ay isang hakbang palapit sa mas maliwanag na kinabukasan para sa buong pamayanan.