Malampusong gipahigayon ang Founders Connect kagahapon, Marso 31, 2026 sa Ayala Hall Building, Apokon, Tagum City, Davao del Norte nga usa ka lakang alang sa nagkadako nga innovation community sa syudad.
Personal nga mingtambong ang mga founders, innovators, ug aspiring entrepreneurs alang sa usa ka gabii sa makahuluganon nga panaghisgot ug kolaborasyon.
Sa maong panagtigom, daghang bag-ong oportunidad ang namugna, lakip ang posibleng partnerships ug mentorship programs alang sa mga partisipante.
Ang maong kalihokan gipahigayon sa pakigtambayayong sa Lokal nga Panggamhanan sa Tagum pinaagi sa Tagum City Business and Incentive Center (TCBIC) ug Startup Tagum, isip kabahin sa padayon nga paningkamot sa syudad sa pagpalambo sa lokal nga entrepreneurship ug innovation ecosystem.