Ni-surrender ang usa ka mag-uuma nga miyembro sa New People’s Army (NPA) sa mga otoridad sa Malaybalay City, Bukidnon niadtong Hunyo 22, 2025.
Gi-ila ang ni-surrender nga si alyas “Botyok”, 64-anyos, mag-uuma, ug residente sa Sitio 55-kilometer, Barangay Binicalan, San Luis, Agusan del Sur.
Nahibal-an nga ang maong ni-surrender kay miyembro sa SECOM, Sub-Regional Committee 2, North Central Mindanao Regional Committee.
Gi-surrender pud niini ang usa ka unit sa Caliber .22 Magnum Revolver S&W nga adunay serial no. 21212 ug unom ka mga bala.
Padayon ang pag-awhag sa gobyerno sa nabilin nga miyembro ug tagasuporta sa NPA nga biyaan ang teroristang grupo ug magsugod ug bag-ong kinabuhi kauban sa ilang pamilya.