Palimbang, Sultan Kudarat – Nakumpiska ang tinatayang Php540,000 halaga ng puslit na yosi ng mga awtoridad sa baybaying bahagi ng Brgy. Kraan, Palimbang, Sultan Kudarat nito lamang umaga ng Enero 10, 2024.
Ayon sa Palimbang PNP, nakatanggap sila ng tip mula sa isang concerned citizen tungkol sa mga nakatambak na kahon sa nasabing lugar at tumambad ang mga abandonadong kahon-kahong puslit na yosi.
Napag-alaman na aabot sa 45 na kahon na nagkakahalaga ng Php540,00 ang nakumpiska ng mga awtoridad.
Hinihikayat naman ng Palimbang PNP ang mamamayan na makipagtulungan sa kanilang isinasagawang malalim na imbestigasyon para matukoy at mapanagot ang mga taong nasa likod nito.