Mingbida ang fashion scene sa syudad sa Tagum human malampusong nahuman ang mentorship program alang sa mga lokal nga designers nga magpasigarbo sa ilang kahanas sa fashion designing sa Maanyag Runway 2026 karong umaabot Marso 7, 2026, isip kabahin sa selebrasyon sa 28th Araw ng Tagum.
Sa usa ka dynamic nga styling workshop nga gipangunahan sa Creative Supervisor nga si Emi Alexander Englis, kauban ang Davao Junior Fashion Designers, nahatagan ang mga partisipante og de-kalidad nga training sa runway styling, creative direction, ug pagpresentar sa ilang design identity.
Ang maong inisyatiba gisuportahan sa Lokal nga Panggamhanan sa Tagum, pinaagi sa City Tourism, Arts, Culture, Heritage and Management Office, nga padayon nga nagpalig-on sa pagpalambo sa lokal nga talento ug sa creative industry sa siyudad.
