Patay ang kanhi barangay chairman ug iyang apo atol sa pagsilbi sa warrant of arrest sa madugong engkwentro tali sa mga otoridad sa Barangay Piers, Buldon, Maguindanao del Norte.
Gihimo sa kapulisan ang pagdakop pinaagi sa Warrant of Arrest sa Arson sa ilalom sa Criminal Case No. 2025-16522 batok sa mga suspek.
Nahibal-an nga sa dihang namatikdan sa mga suspek ang presensya sa kapulisan, nauna kini nagpaboto sa ilang mga armas ug na pwersa nga mo balos ang mga otoridad ug naglungdan kini sa pinusilay nga miresulta sa pagkamatay sa kanhing barangay chairman ug sa iyang menor-de-edad nga apo.
Narekober sa mga otoridad ang nagkalain-laing klase sa armas lakip ang duha ka M16 rifle, grenade launcher, mga bala, ug uban pang mga gamit.
Padayon ang lalom nga imbestigasyon sa PNP ug gi-awhag ang kooperasyon sa katawhan arun matuldukan ang mga iligal nga aktibidad nga babag sa kalamboan sa atong nasud.