Sugatan ang isang payong-payong driver nang pagbabarilin sa Barangay Iganagampong, Datu Unsay, Maguindanao Del Sur noong ika-16 ng Mayo 2024.
Sa report, kinilala ang biktima na si Anwarudin Pakiangan Lakman, driver na residente ng Barangay Dapiawan, Datu Saudi Ampatuan, Maguindanao Del Sur.
Lumalabas sa inisyal na imbestigasyon na minamaneho lamang ng biktima ang kanyang payong-payong patungo sa direksyon ng Shariff Aguak nang biglang pagbabarilin ng hindi pa tukoy na suspek na sakay ng motorsiklo.
Nagtamo ng tama ng bala sa kanyang katawan ang biktima habang ang suspek naman ay agad na nakatakas.
Isinugod naman agad ng kaanak sa ospital ang sugatang biktima.
Nagsasagawa na ngayon ng follow-up investigation upang matukoy ang motibo at mahuli ang suspek sa pamamaril.