Sulu- Nasa tinatayang Php10,665,000 halaga ng puslit na sigarilyo ang nakumpiska ng mga awtoridad na nagresulta sa pagkakadakip ng isang lalaki sa Sitio Smart, Brgy. Kajatian, Indanan, Sulu nito lamang ika-22 ng Hunyo 2024.
Kinilala ang suspek na si alyas “Jim”.
Nakumpiska mula sa suspek ang may kabuuang 300 kahon na smuggled cigarettes na binubuo ng 193 kahon ng Hero cigarettes na nagkakahalagang Php7,720,000; 35 kahon ng Berlin cigarettes na nagkakahalaga ng Php1,050,000; 34 kahon ng Gift cigarettes na nagkakahalaga ng Php680,000; 17 kahon ng Astro cigarettes na nagkakahalagang Php425,000; 2 kahon ng Royal cigarettes na nagkakahalaga ng Php30,000; at 19 kahon ng YS cigarette na nagkakahalaga ng Php760,000 na may kabuuang halagang Php10,665,000.
Samantala, patuloy ang PNP sa pagsasagawa ng malalim na imbestigasyon upang mapanagot ang nasa likod at lider ng pagpuslit ng mga naturang yosi.