Sultan Kudarat – Sumuko ang 10 miyembro ng Bangsamoro Islamic Freedom Fighters (BIFF) sa mga awtoridad sa Kalawag 2, Isulan, Sultan Kudarat nito lamang Hulyo 22, 2023.
Hindi na pinangalanan ang 10 BIFF members para sa kanilang seguridad at napag-alaman na isinuko rin nila ang kanilang mga armas na dalawang yunit ng homemade Sniper rifle caliber 7.62mm at isang 9mm Uzi Automatic Pistol.
Patuloy ang pamahalaan sa panawagan sa mga natitira pang miyembro ng BIFF members na sumuko upang magbagong buhay kasama ang kanilang sariling pamilya.