Isang pagtatanghal ng Lion at Dragon Dance ang ibinida ng Davao Chong Hua High School sa China Town Proper, Pioneer Avenue, Tagum City nito lamang Enero 29, 2025.
Nagmarka ng isang makulay na pagsisimula sa serye ng mga aktibidad ng Chinese New Year sa lungsod.
Ang ganitong mga sayaw, na may malalim na ugat sa kultura ng Tsina, ay hindi lamang isang tradisyunal na anyo ng kasiyahan, kundi may malalim na kahulugan at simbolismo. Karaniwan, ang mga sayaw ng lion at dragon ay isinasagawa upang magdala ng swerte, pag-asa, at pagpapala para sa bagong taon.
Ang pagtangkilik sa mga ganitong tradisyon ay nagiging daan upang mas mapalalim ang pag-unawa at pagpapahalaga ng mga lokal sa mga kultura at tradisyon ng mga Tsino.
Gayundin, ang ganitong mga kaganapan ay nagbibigay daan sa pagbuo ng mas matibay na ugnayan sa pagitan ng mga lokal at mga miyembro ng komunidad na may Chinese heritage.
