Inilunsad ang Regional Training of Trainers (RTOT) para sa Tara, Basa! Tutoring Program ng Department of Social Welfare and Development Field Office IX (DSWD-IX) sa isang hotel sa Zamboanga City nito lamang ika-22 ng Marso 2025.
Ang mga nakiisa sa training ay kinatawan mula sa Tara, Basa! Tutoring Program Regional Program Management Office (TBTP RPMO), ilang kinatawan mula sa Department of Education (DepEd), City Social Welfare and Development Office (CSWDO) at Western Mindanao State University (WMSU) na pawang nagsilbing resource persons para sa Capability Building rollout.
Ang workshop ay pinangunahan ni DSWD-IX Assistant Regional Director Ma. Socorro Macaso, kung saan binigyang diin nito na ang naturang training ay mahalaga upang masiguro ang maayos na pagpapatupad ng programa sa darating na buwan ng Mayo nitong taon.
Layon ng nasabing pagsasanay na ma-develop ang Subject Matter Experts (SMEs) bilang paghahanda para sa Capability Building for Tutors at Youth Development Workers.
